უცხოეთი
აშშ-ის ხელისუფლებამ მსახიობებს მოსთხოვა, არ გამოხატონ სიყვარული რუსეთისადმი

1-zar-2-vlastiსაქართველო, 15 აგვისტო, საქინფორმი. ამერიკის ხელმძღვანელობა უკმაყოფილოა აშშ-ის მსახიობების საქციელით, რომლებიც საჯაროდ უცხადებენ სიყვარულს რუსეთს. ახლახან აშშ-ისს ახელმწიფო დეპარტამენტის წარმომადგენლებმა დაურეკეს მსახიობ მიკი რურკს, რომელმაც მონაწილეობა მიიღო აქციაში „ყველაფერი რიგზეა“ და ვლადიმერ პუტინის გამოსახულებიანი მაისური ჩაიცვა და ურჩიეს, სიმპათიების გამოხატვაში უფრო თავშეკავებული ყოფილიყო.

აშშ-ის სახელმწიფო დეპარტამენტმა დაჟინებით მოითხოვა თავისი მსახიობებისგან, უფრო თავშეკავებული იყვნენ თავის ქმედებებსა და შეფასებებში და არ გამოხატონ სიმპათიები რუსეთისა და მისი ხელისუფლების მიმართ. ამის შესახებ გაზეთი „იზვესტია“ იტყობინება ამერიკელი კინომსახიობების გარემოცვაზე დაყრდნობით.

როგორც მიკი რურკის ერთ-ერთი თანაშემწე იუწყება, აშშ-ის ხელისუფლებამ, გაიგო რა, რომ რურკი გუმ-ში დაესწრო აქციას სახელწოდებით „ყველაფერი რიგზეა“ და რფ-ის პრეზიდენტის გამოსახულებიანი მაისური შეიძინა, დაურეკა მას და მოსთხოვა, რომ მსახიობს საჯაროდ არ მოეხდინა რუსეთისა და პუტინისადმი თავისი სიყვარულის დემონსტრირება.

აშშ-ისა და რფ-ის საელჩოებში აღნიშნულ ინფორმაციაზე კომენტარი არ გაუკეთებიათ.