უცხოეთი
100 ათასი - ჟურნალისტისათვის

1zar-1kolomeiskiსაქართველო, 12 აგვისტო, საქინფორმი. უკრაინის დნეპროპეტროვსკის ოლქის გუბერნატორი, ოლიგარქი იგორ კოლომეისკი უკრაინელ სამხედროებს 50 ათას დოლარს უხდის სახალხო ლაშქრის მეთაურის ანდა ტექნიკის, ხოლო ჟურნალისტის განადგურებისთვის - 100 ათას დოლარს. ამის შესახებ დონეცკელ მოლაშქრეებთან ტყვედ მოხვედრილი „აიდარის“ მებრძოლი იტყობინება. დონბასის მოლაშქრეებმა ტყვედ ჩაიგდეს ბატალიონ „აიდარის“ რამდენიმე მებრძოლი.

ჯარისკაცი აღიარებს, რომ თავად ვერ მოასწრო ხელის მოთბობა სხვის უბედურებაზე, რადგან ნაცგვარდიის რიგებში ახლახან ჩაეწერა. მისმა თანამებრძოლებმა კი კარგად იხეირეს: 3-3 ათასი დოლარი თვეში.

ამასთან, ტყვეს თქმით, არსებობს პრემიების გაცემის მკაფიო წესი. ასე, მაგალითად, ტექნიკისა და ან ლაშქრის მეთაურის განადგურებაში „აიდარელებს“ 50-50 ათას დოლარს უხდიდნენ, ჟურნალისტის თავში კი „100 ათას დოლარს შეგვპირდნენ“.

კითხვაზე, თუ ვინ იხდის ამ ფულს, ჯარისკაცი მოკლედ და გასაგებად პასუხობს: „ბატონი კოლომეისკი“.

კოლომეისკის ევრომაიდნის ერთ-ერთ სპონსორს უწოდებენ. მარტში იგი დნეპროპეტროვსკის ოლქის გუბერნატორად დანიშნეს. მედიის ინფორმაციით, იგი დონბასში სპეცოპერაციებში მონაწილე ზოგიერთ ფორმირებას აფინანსებს.