უცხოეთი
რუსეთი ირანს აშშ-ის ჯიბრზე ნავთობთან დაკავშირებულ გარიგებაზე შეუთანხმდა
საქართველო, 11 აგვისტო, საქინფორმი. რუსეთი ირანს მსხვილი სავაჭრო-სანედლეულო გარიგების დადებაზე შეუთანხმდა, რომელიც ორივე ქვეყანას დასავლური სანქციების შესუსტების საშუალებას მისცემს.
რუსეთ-ირანის სამთავრობოშორისი კომისიის თანათავმჯდომარეებმა - რუსეთის ენერგეტიკის სამინისტროს ხელმძღვანელმა ალექსანდრე ნოვაკმა და მისმა ირანელმა კოლეგა ბიჟან ნამდარ ზანგანმა ხელი მოაწერეს 5-წლიან სამთავრობოშორის ურთიერთგაგების მემორანდუმს, რომელიც ირანისთვის ნავთობის სანაცვლოდ რუსული აღჭურვილობისა და სამომხმარებლო საქონლის მიწოდებას ითვალისწინებს.
