აქტუალური
საქართველოს შეიარაღებული ძალების მე-4 მექანიზირებული ბრიგადის ასეული ავღანეთის „გადამწყვეტი მხარდაჭერის“ (Resolute Support) მისიაში ჩართვისთვის ემზადება
საქართველო, 23 ივნისი, საქინფორმი. ქართველი სამხედრო მოსამსახურეები სწავლებას გერმანიაში, ბაზა „ვილთფლეკენზე“ და „ჰამელბურგზე“ გაივლიან. ასეულის პირველი ნაკადი გერმანიაში უკვე გაემგზავრა.
მომავალი 5 თვის განმავლობაში ქართველი სამხედროები წვრთნას გერმანელი ინსტრუქტორების მეთვალყურეობის ქვეშ გაივლიან. სწავლების პროცესი რამდენიმე ეტაპისგან შედგება. ქართულ ასეულს ბუნდესვერის ჯარისკაცებთან ერთად კომბინირებული და სიტუაციური წვრთნები ჩაუტარდებათ. მომავალი თვეების განმავლობაში მე-4 ბრიგადის სამხედროები ინდივიდუალურ, ოცეულის და ასეულის დონის მომზადებას გაივლიან.
სწავლების დასრულების შემდეგ, მე-4 ბრიგადის ასეული „გადამწყვეტი მხარდაჭერის“ (Resolute Support) მისიის შესრულებას გერმანელ სამხედროებთან ერთად შეუდგება.
