აქტუალური
რიჩარდ ნორლანდი: „საარჩევნო პროცესის მიმდინარეობისას ემოცია ძალადობაში არ უნდა გადაიზარდოს“
საქართველო, 15 ივნისი, საქინფორმი. საქართველოში აშშ-ის ელჩმა რიჩარდ ნორლანდმა არჩევნების მიმდინარეობასთან დაკავშირებით კომენტარი გააკეთა. ნორლანდის განცხადებით, საარჩევნო პროცესი კარგად დაიწყო.
ამასთან, მისივე თქმით, შემაშფოთებელია ცნობები მარტვილიდან, სადაც გუშინ ინციდენტი მოხდა.
„ვიცით, რომ ხანდახან დასავლეთ საქართველოში ვნებები მეტისმეტად მაღალია. შესაძლოა, საამისო მიზეზიც არსებობდეს, რაც ჩვენ არ ვიცით, მაგრამ მნიშვნელოვანია, ხალხმა გაითვალისწინოს, რომ საარჩევნო პროცესის მიმდინარეობისას ემოცია ძალადობასა და მუქარაში არ უნდა გადაიზარდოს. ვუსურვებთ საქართველოს წარმატებულ საარჩევნო დღეს და, რა თქმა უნდა, გილოცავთ ყველას", - განაცხადა ნორლანდმა.
