უცხოეთი
საფრანგეთის საგარეო საქმეთა სამინისტრო: „ევროპის ქვეყნები მზად არ არიან, უკრაინა ევროკავშირის შემადგენლობაში იხილონ. ეს ამერიკელებსაც კი არ სურთ!“
საქართველო, 12 ივნისი, საქინფორმი. საფრანგეთის საგარეო საქმეთა მინისტრმა ლორან ფაბიუსმა გამოთქვა მოსაზრება, რომ ევროკავშირის წევრი ქვეყნების უმრავლესობა მზად არ არის, უკრაინა ევროკავშირის შემადგენლობაში იხილოს. ეს განცხადება მან 7 ივნისს კიევში პეტრე პოროშენკოს ინაუგურაციის შემდეგ გააკეთა.
„ჩემს ევროპელ კოლეგებთან საუბრისას ვაფიქსირებ, რომ ევროკავშირის შემადგენლობაში უკრაინის გაწევრების იდეას მათი უმრავლესობა მხარს სულაც არ უჭერს და ეს თვალსაჩინოა“, - აღნიშნა ფაბიუსმა, რომლის თქმითაც, ნატოში უკრაინის გაწევრება ამერიკელებსაც კი არ სურთ. 
