საქართველო, 23 მაისი, საქინფორმი. უელსის პრინცმა ჩარლზმა რფ-ის პრეზიდენტ ვლადიმერ პუტინს ადოლფ ჰიტლერთან შედარებისათვის წერილობით ბოდიში უნდა მოუხადოს, - განუცხადა “რია ნოვოსტის” ბრიტანელმა პარლამენტარმა ჯორჯ ჰელოუეიმ.

ბრიტანეთის მედიაში გავრცელდა ცნობა იმის შესახებ, თითქოს პრინცმა ჩარლზმა კანადის გალიფაქსში ჰოლოკოსტგამოვლილ ქალთან საუბრისას რუსეთის პრეზიდენტის პოლიტიკა ადოლფ ჰიტლერის მოქმედებებს შეადარა. უელსის პრინცის სიტყვების ციტირება  ჟურნალისტებთან მისმა მოსაუბრემ მოახდინა.

ჰელოუეიმ მოუწოდა პრიც ჩარლზს, ბოდიში მოუხადოს პუტინს და ხაზი გაუსვა იმ ფაქტს, რომ რუსეთის პრეზიდენტის მამა ნაცისტებთან ბრძოლისას ფრონტზე დაჭრეს.

„ჩარლზმა პრეზიდენტ პუტინს პერსონალური წერილი უნდა მისწეროს და ბოდიში მოუხადოს უტაქტო, სულელური და უკიდურესად არაკორექტული გამონათქვამისთვის“, - მიაჩნია პარლამენტარს.