სამართალი
“ქართული მედიის წარმომადგენლებს მოვუწოდებთ, თავი შეიკავონ ისეთი ინფორმაციის შეუმოწმებლად გავრცელებისგან, რამაც შესაძლოა დააზიანოს საქართველოს ეროვნული ინტერესები” - შინაგან საქმეთა სამინისტროს განცხადება
საქართველო, 20 მაისი. საქინფორმი. ბოლო პერიოდში ქართული მედიით ვრცელდება მიმდინარე წლის 11 მაისს ირანული სააგენტო Fars News-ის მიერ გადაცემული არასწორი ინფორმაცია, თითქოს საქართველოს ტერიტორიაზე იორდანიის და თურქეთის გავლით შემოვიდა და პანკისის ხეობაში დაბანაკდა 97 ჩეჩენი მებრძოლი, შემდგომში რუსეთის ტერიტორიაზე გადასვლისა და იქ დივერსიულ-ტერორისტული საქმიანობის წარმართვის მიზნით.
