საქართველო, 19 მაისი, საქინფორმი. სერბეთის პატრიარქმა ირინეოსმა გეი-აღლუმს “ამორალური აისბერგის მწვერვალი და ყველა გარყვნილებისა და ბიწიერების ნაკრები” უწოდა.

“მებრალებიან ეს ადამიანები, რომლებიც ეგრეთ წოდებულ გეი პოპულაციას მიეკუთვნებიან. ეს ადამიანის ბუნების დარღვევა ან გადახრაა... ვერ გამიგია, რატომ გვახვევენ თავს ამ პრობლემას და აშკარად აჩვენებენ ამას”, - თქვა სერბეთის ეკლესიის წინამძღოლმა გამოცემა “ნედელნიკთან” ინტერვიუში, როდესაც პასუხობდა შეკითხვას, ეცდება თუ არა სერბეთის ეკლესია, ხელისუფლებისგან გეი-აღლუმის აკრძალვას მიაღწიოს.

წელს სერბეთის დედაქალაქში ისევ მზადდება ერთკვირინაი აქცია სახელწოდებით “ღირსების აღლუმი”, სავსე სხვადასხვა ღონისძიებით, გამოფენებით და კონცერტებით, რომლებიც ლგბტ-საზოგადოების საქმიანობის სხვადასხვა გამოვლინების პოპულარიზაციას ემსახურება.