საქართველო, 15 მაისი, საქინფორმი. რუსეთი აცხადებს, რომ აშშ-სთვის იმ სარაკეტო ძრავების მიწოდების აკრძალვას გეგმავს, რომლებიც სამხედრო და სადაზვერვო თანამგზავრების გასაშვებად გამოიყენება. ვიცე-პრემიერი დიმიტრი როგოზინის განცხადებით, ქვეყანა ასევე აპირებს რუსეთში განთავსებული ამერიკული სანავიგაციო სისტემა GPS-ის ზოგიერთი სადგურის გათიშვას და საერთაშორისო კოსმოსური სადგურის ექსპლუატაციის შეწყვეტას 2020 წელს.

აღნიშნული ზომები აშშ-ის სუსტ ადგილებში დარტყმას წარმოადგენს იმის გათვალისიწნებით, რომ ამერიკა რუსულ კოსმოსურ ტექნოლოგიებზეა დამოკიდებული.

შესაბამისი განცხადება დასავლეთის სანქციების ტალღის ფონზე გაკეთდა, რომელთა ნაწილიც მიმართულია როგოზინის წინააღმდეგ, რომელიც რუსეთის სამხედრო-სამრეწველო კომპლექსს კურატორობს.