კრემლი პატივისცემით მოეკიდება უკრაინაში რეფერენდუმის შედეგებს

უცხოეთი

kreml საქართველო, 13 მაისი, საქინფორმი. კრემლის პრესსამსახურმა გაავრცელა განცხადება, კვირას დონეცკისა და ლუგანსკის ოლქებში ჩატარებული თვითგამორკვევის რეფერენდუმის შესახებ. აშშ-ისა და დასავლეთის სხვა ქვეყნების განცხადებების ფონზე რეფერენდუმის შედეგების არაღიარების შესახებ კრემლმა განაცხადა, რომ მოქალაქეთა მიერ გამოხატულ ნებას პატივისცემით ეკიდება. თუმცა თავად განცხადებას შესაძლოა ფრთხილიც ეწოდოს, მასში საუბარია კიევისა და რეგიონების დიალოგის შესაძლებლობებზე. მოსკოვს ასევე ეუთოს მისიის შუამავლობის იმედი აქვს.

„აღვნიშნავთ მოსახლეობის გამოცხადების მაღალ მაჩვენებელს, მიუხედავად კენჭისყრის ჩაშლის მცდელობისა. ვგმობთ ძალის გამოყენებას, მათ შორის მძიმე შეიარაღების გამოყენებით, მშვიდობიანი მოსახლეობის წინააღმდეგ, რამაც ადამიანთა მსხვერპლი გამოიწვია“, - ნათქვამია განცხადებაში.