საქართველო, 13 მაისი, საქინფორმი. ბოლო წლებში რუსეთი ისწრაფვოდა, დაენახვებინა თავისი პროგრესულობა, ამიტომ ნაკლებსავარაუდოა, რომ უკრაინაში კონფლიქტის გაღვივება პრეზიდენტ ვლადიმერ პუტინის გეგმებში შედიოდა, - განაცხადა აშშ-ის ყოფილმა სახელმწიფო მდივანმა, ამერიკელმა სახელმწიფო მოღვაწემ ჰენრი კისინჯერმა CNN-თან ინტერვიუში.

„პუტინმა 60 მილიარდი დოლარი დახარჯა ოლიმპიადაზე. გაიმართა გახსნისა და დახურვის ცერემონიალები, რომლებიც მიმართული იყო რუსეთის პროგრესულ სახელმწიფოდ წარმოჩენისკენ. დაუჯერებელია, რომ სამი დღის შემდეგ იგი თავს დაესხმებოდა უკრაინას“, - განაცხადა ჰენრი კისინჯერმა.

ყოფილი სახელმწიფო მდივანი ვარაუდობს, რომ ვლადიმერ პუტინი იძულებული იყო, რეაგირება მოეხდინა უკრაინის მოვლენებზე, რომლებიც „მისი კონტროლიდან გამოვიდა“.