პუბლიკაციები
NDI: „ქართული ოცნება“ – 48%, „ნაციონალური მოძრაობა“ – 12%
საქართველო, 12 მაისი, საქინფორმი. ეროვნულ-დემოკრატიული ინსტიტუტის (NDI) მიერ მიმდინარე წლის 26 მარტიდან 18 აპრილის პერიოდში ჩატარებული კვლევის მიხედვით, რომელიც საქართველოს მასშტაბით ჩატარდა, ქვეყანაში ყველაზე რეიტინგულ პოლიტიკურ ძალად “ქართული ოცნება” რჩება, “ნაციონალურ მოძრაობას” კი გამოკითხულთა ნახევარი ყველაზე ძლიერ ოპოზიციურ პარტიად მიიჩნევს. გამოკითხულთა 85%-ის აზრით, ქვეყანაში ძლიერი ოპოზიციური პარტიის არსებობა ძალიან მნიშვნელოვანი ან მნიშვნელოვანია. კვლევის თანახმად, პოტენციური ამომრჩევლების 48%-მა განაცხადა, რომ ისინი მმართველ კოალიციას, “ქართულ ოცნებას” მისცემენ ხმას, შემდეგ კი მოდის “ერთიანი ნაციონალური მოძრაობა” 12%–ით.
