საქართველო, 8 მაისი, საქინფორმი. დასავლური მედია რუსეთის თავდაცვის უწყებაზე დაყრდნობით იტყობინება, რომ აშშ-მა უარი განაცხადა ცსს-ს 13 სამხედრო აგენტის ცხედრის რეპატრიაციაზე, რომლებიც მოკლეს მაშინ, როცა სლავიანსკის თავზე მათი შვეულმფრენი მეამბოხეებმა ჩამოაგდეს.

მოხსენების თანახმად, 2 მაისს უკრაინის არმიის დნეპროპეტროვსკის 25-ე ბრიგადის საზენიტო საარტილერიო დივიზიონმა, რომელიც მეამბოხეთა მხარეს გადავიდა, უკრაინის სამხედრო-საჰაერო ძალების კუთვნილი რუსული წარმოების ორი სატრანსპორტო შვეულმფრენი ჩამოაგდო. შვეულმფრენები სლავიანსკის სამხედრო მოქმედებების ზონაში მყოფი ცსს-ს „მართვისა და კონტროლის“ სამხედრო ბაზაზე დაშვებას ცდილობდნენ.

ორი შვეულმფრენის ბორტზე მყოფი ცსს-ს 14 აგენტიდან მხოლოდ ერთი გადარჩა, რომელიც დაქირავებულ მებრძოლთა ამერიკული კომპანიის თანაშრომელი აღმოჩნდა. უკრაინის უსაფრთხოების სამსახურის ცნობით, გადარჩენილი პილოტი დატყვევებული იქნა.