საქართველო, 6 მაისი, საქინფორმი. რონ პოლის მშვიდობისა და კეთილდღეობის ინსტიტუტის პოლიტოლოგმა დენიელ მაკადამსმა გაარკვია, თუ როგორ აშუქებენ ოდესაში მომხდარ ტრაგიკულ მოვლენებს აშშ-ში. ანალიტიკოსმა სამწუხარო დასკვნა გააკეთა. ე. წ. „თავისუფალი პრესის” პრაქტიკულად არც ერთ წარმომადგენელს არაფერი უთქვამს ისეთი, რასაც შეიძლებოდა ჩრდილი მიეყენებინა სახელმწიფო დეპარტამენტის პოლიტიკური კურსისათვის. 2-5-წუთიანი რგოლის შემდეგაც კი, რომელიც ნათელ წარმოდგენას იძლეოდა იმის შესახებ, თუ ვინ დაწვა პროფკავშირთა სახლი, უწყების განცხადებაში არც ერთი სიტყვა არ თქმულა კიევის ხელისუფალთა მომხრეების რადიკალური ქმედებების შესახებ.

მაკადამსი წერს: „Los Angeles Times-მა სიტუაცია ისე წარმოადგინა, თითქოს ხანძარი შენობაში თავისით გაჩნდა, როცა ის სეპარატისტებმა დაიკავეს და ფეხბურთის ფანატებს სნაიპერული ცეცხლი გაუხსნეს“.

Daily News-ის ჟურნალისტებმა თვალის დახუჭვა და რადიკალების არშემჩნევა ამჯობინეს, რომლებიც შენობის ფანჯრებს აალებადი სითხით სავსე ბოთლებს ესროდნენ. მათი ვერსიით, ხანძარი დაუდგენელი მიზეზებით გაჩნდა, რის შედეგადაც ხალხი დაიღუპა.

რატომ დუმს ამერიკული პრესა იმის შესახებ, თუ რა მოხდა სინამდვილეში, იგნორირებას უკეთებს გადარჩენილ თვითმხილველთა ჩვენებებს, კადრებიდან ამოაგდებს ანალიზს, სადაც ჩანს, თუ როგორ ესვრიან უკვე ცეცხლწაკიდებულ შენობას საბრძოლო იარაღებიდან?