საქართველო, 2 მაისი, საქინფორმი. დონეცკში პროკურატურის შტურმისას 26 ადამიანი დაზარალდა, მათგან 2 ჰოსპიტალიზებულია. ამის შესახებ დონეცკის საოლქო ადმინისტრაციის დროებითი საიტი იუწყება.

დონეცკის საოლქო ადმინისტრაციის ჯანდაცვის დეპარტამენტის მონაცემებით, ამ მოვლენის ყველა მონაწილე, რომელმაც ექიმს მიმართა, ქალაქის სხვადასხვა სამედიცინო დაწესებულებაში, ძირითადად, ნეიროქირურგიულ და ტრავმატოლოგიურ განყოფილებებში მოათავსეს. დახმარების აღმოჩენის შემდეგ 24 ადამიანი ამბულატორიულ მკურნალობაზე გადაიყვანეს.

26 დაზარალებულიდან ოთხმა ჭრილობები მიიღო ცეცხლსასროლი და ტრავმატული იარაღებიდან. საავადმყოფოში დარჩა 2 პაციენტი. შემთხვევის ადგილზე სასწრაფო-სამედიცინო დახმარების სამი ბრიგადა მუშაობდა.