საქართველო, 30 აპრილი, საქინფორმი. პრეზიდენტების ნიქსონის, ჯერალდ ფორდის და რეიგანის ადმინისტრაციებში ნამუშევარი პატრიკ ჯოზეფ ბიუკენენის სტატია გამოქვეყნდა საიტზე Town Hall. როგორც ბიუკენენი აღნიშნავს, დასავლეთი რომც ეცადოს რუსეთის გადაქცევას შერისხულ ქვეყნად, მისი გეოპოლიტიკური და სამხედრო მნიშვნელობა საშუალებას არ მისცემს, ეს პოლიტიკა დიდხანს შეინარჩუნოს, როგორც ეს ახლა კორეის სახალხო დემოკრატიულ რესპუბლიკაში ხდება. უნგრეთში საბჭოთა ჯარების შეყვანიდან 3 წლის თავზე, 1959 წელს პრეზიდენტმა ეიზენჰაუერმა ხრუშჩოვი აშშ-ში მიიწვია, კემპ-დევიდში გამართული შეხვედრა „განმუხტვის“ გზაზე პირველ  ნაბიჯად იქცა.
პოლიტოლოგის თქმით, ანალოგიური ნაბიჯები გადადგეს დემოკრატებმა - კენედიმ და ლინდონ-ჯონსონმა, ასევე, რესპუბლიკელებმა: ნიქსონმა, რეიგანმა.

„ჩვენ არ შეგვეძლო გვყვარებოდა სსრკ, მაგრამ არც მისი იგნორირება შეგვეძლო“, - ასკვნის ბიუკენენი. მისი აზრით, აშშ-ისა და დასავლეთის ლიდერების პროგნოზირებადი ნაბიჯები დარტყმის ქვეშ აყენებს ევროპელების უსაფრთხოებას და შეუძლია სერიოზულად დააზარალოს „დიდი შვიდიანის“ ეკონომიკა.

ბიუკენენის აზრით, პოლონეთსა და ჩეხეთში ჰაერსაწინააღმდეგო თავდაცვის სისტემების ობიექტების განთავსების გეგმებისკენ დაბრუნებაზე რუსეთს შეუძლია აღმოსავლეთ და ცენტრალური ევროპისკენ მიმართული მცირე რადიუსის მოქმედების ასობით რაკეტის დაყენებით უპასუხოს, რის შედეგადაც მსოფლიო 1987 წლის მდგომარეობას დაუბრუნდება, როცა ამერიკელებმა ევროპიდან - „პერშინგები“, ხოლო სსრკ-მ რაკეტები “cc-20” აიღო.