უცხოეთი
ქერიმ მოსკოვი უკრაინაში სიტუაციის ესკალაციაში დაადანაშაულა
საქართველო, 25 აპრილი, საქინფორმი. აშშ-ის სახელმწიფო მდივანმა ჯონ ქერიმ მკაცრად გააკრიტიკა რუსეთის ხელისუფლება აღმოსავლეთ უკრაინაში სიტუაციის ესკალაციის გამო. ქერიმ მოსკოვი იმაში დაადანაშაულა, რომ ის აფინანსებს და აიარაღებს სეპარატისტებს და აქეზებს არეულობების მოწყობისკენ.
„შეთანხმების შესრულების თაობაზე სიტყვას მხოლოდ უკრაინა ასრულებს“, - განაცხადა მან.
„პრეზიდენტი პუტინი და რუსეთი არჩევანის წინაშე დგანან. თუ რუსეთი დეესკალაციის გზას აირჩევს, საერთაშორისო თანამეგობრობა ამას მიესალმება. თუკი ამას არ გააკეთებს, მსოფლიო უზრუნველყოფს იმას, რომ რუსეთს ეს უფრო ძვირი დაუჯდეს. როგორც პრეზიდენტმა ობამამ დაადასტურა, ჩვენ მზად ვართ ვიმოქმედოთ“, - დასძინა ქერიმ.
