საქართველო, 25 აპრილი, საქინფორმი. კოლექტიური უსაფრთხოების ხელშეკრულების ორგანიზაცია უკრაინაში არსებული სიტუაციის გამო ნატოსთან კონტაქტებს წყვეტს, - განაცხადა ორგანიზაციის გენმდივანმა ნიკოლაი ბორდიუჟამ.

„ჯერჯერობით ვწყვეტთ ყოველგვარ ძალისხმევას ნატოსთან ერთობლივი საქმიანობისთვის  კონტაქტის დასამყარებლად იმ პოზიციის გათვალისწინებით, რომელიც დღეს ნატომ დაიკავა უკრაინის კრიზისის მიმართ“, - განაცხადა ბორდიუჟამ “რია ნოვოსტიში” გამართულ პრესკონფერენციაზე.

აღნიშნული პოზიცია მან იმით განმარტა, რომ ნატო „აშანტაჟებს“ რუსეთსა და მის მოკავშირეებს.

„დღეს ნატო დამაშანტაჟებელ ქმედებებს მიმართავს კოლექტიური უსაფრთხოების ხელშეკრულების ორგანიზაციის წევრი-სახელმწიფოების მთელ ფრონტზე და იმის დემონსტრირებას ახდენს, რომ ისინი უკიდურესად უკმაყოფილო არიან ბოლო თვეებში რუსეთის ქმედებებით“, - აღნიშნა მან.