საქართველო, 15 აპრილი, საქინფორმი. რადიკალებმა სასტიკად სცემეს პრეზიდენტობის კანდიდატ ოლეგ ცარევს, რომელიც თავის გუნდთან ერთად კიევში ტელეარხ ICTV-ის შენობაში იქნა ბლოკირებული. პოლიტიკოსის ჯანმრთელობის მდგომარეობა მძიმეა, - ცნობას ამის შესახებ სახალხო დეპუტატის პრესსამსახური თავის საიტზე ავრცელებს.

სახალხო დეპუტატი ოლეგ ცარევი ორშაბათ ღამეს ტელევიზიის შენობაში მას შემდეგ დაბლოკეს, რაც ის თავის გუნდთან ერთად პროგრამა „სვობოდა სლოვას“ პირდაპირ ეთერში მონაწილეობის მისაღებად მივიდა. დეპუტატების მანქანები დალეწეს და საბურავები დაუჭრეს.