უცხოეთი
ცსს დაკითხვებისას წამებას იყენებდა!
საქართველო, 10 აპრილი, საქინფორმი. ცსს-ს განზრახ შეჰყავდა შეცდომაში აშშ-ის ადმინისტრაცია და საზოგადოება დაკითხვების დროს გამოყენებული მეთოდების შესახებ მაშინ, როცა ქვეყანას ჯორჯ-ბუში უმცროსი ხელმძღვანელობდა, - იტყობინება Washington Post სენატის სადაზვერვო კომიტეტის მოხსენებაზე დაყრდნობით. დოკუმენტში კომიტეტის ხელმძღვანელობა ცსს-ს ადანაშაულებს დაკითხვების დროს გამოყენებული სისასტიკის შეგნებულად დამალვაში.
ამერიკის კონგრესის წარმომადგენლების აზრით, არავითარი მტკიცებულება არ არსებობს იმისა, რომ ე.წ. დაკითხვების გაუმჯობესებული ტექნიკა, რომელიც 2002 წელს შეიქმნა და აბუ-გრეიბისა და გუანტანამოს ციხეებში გამოიყენებოდა, სინამდვილეში ტერორიზმთან ბრძოლას შეიძლებოდა მოხმარებოდა.
ამასთან, ცსს აზვიადებდა საიდუმლო ციხეებში მყოფ პატიმართა ზოგიერთი საქმისა და საფრთხის მნიშვნელობას. დაზვერვის ხელმძღვანელობა ასევე მალავდა პატიმრების მიმართ წამების გამოყენების ფაქტებს.
