საქართველო, 8 აპრილი, საქინფორმი. რუსეთის საგარეო საქმეთა სამინისტროს ხელმძღვანელმა სერგეი ლავროვმა ბრიტანული გაზეთი he Guardian-სთვის დაწერა სტატია უკრაინაში არსებული ვითარების შესახებ, სადაც ირწმუნება რომ „უკრაინის დამოუკიდებელი სახელმწიფოს მხარდასაჭერად რუსეთზე მეტი არავის გაუკეთებია”, ხოლო აშშ-ისა და ევროკავშირის მიერ გატარებულ ხაზს „არაკონსტრუქციულს და სახიფათოს“ უწოდებს. ამავე დროს, აშშ-ის სახელმწიფო მდივანმა ჯონ კერიმ სერგეი ლავროვს შესთავაზა, ათი დღის განმავლობაში რფ-ის, უკრაინის, აშშ-ისა დ აევროკავშირის მონაწილეობით მოლაპარაკებები გაიმართოს.

„რუსეთი ცდილობს ყველაფერი იღონოს იმისათვის, რომ ხელი შეუწყოს უკრაინაში ვითარების სწრაფად სტაბილიზაციას”, - ირწმუნება ლავროვი და ამ მიზნის განსახორციელებლად სამ ნაბიჯს სთავაზობს.

პირველი: „რეალური საკონსტიტუციო რეფორმის განხორციელება, რომელიც უზრუნველყოფს უკრაინის ყველა რეგიონის კანონიერი უფლებებისა და ინტერესების გათვალისწინებას. მიგვაჩნია, რომ ახალმა კონსტიტუციამ უნდა უპასუხოს უკრაინის სამხრეთ-აღმოსავლეთი რეგიონების მრავალრიცხოვან მოწოდებებს იმის თაობაზე, რომ რუსული ენა მეორე სახელმწიფო ენად გამოცხადდეს“.

მეორე: „უკრაინის კანონმდებლობით განმტკიცებული  ბლოკის მიღმა სტატუსის მყარი გარანტიების მიცემა, რაც უზრუნველჰყოფს მისი, როგორც დამაკავშირებელი რგოლის როლს განუყოფელი ევროპული უსაფრთხოების არქიტექტურაში“.

მესამე: „სასწრაფო ზომების მიღება უკრაინის ტერიტორიაზე „მემარჯვენე სექტორისა“ და სხვა ულტრანაციონალური დაჯგუფებების უკანონო შეიარაღებული ფორმირებების საქმიანობის აღსაკვეთად.“