საქართველო, 8 აპრილი, საქინფორმი. რუსეთის უშიშროების ფედერალურმა სამსახურმა ტერორისტული ორგანიზაცია „იმარატ კავკაზის“ მეთაური დოკუ უმაროვის საქმიანობის ნეიტრალიზაცია მოახდინა. ამის შესახებ სამსახურის უფროსმა ალექსანდრე ბორტნიკოვმა განაცხადა.

„ჩატარებული ოპერატიულ-საბრძოლო სამუშაოს შედეგად ნეტრალიზებულია ტერორისტული ორგანიზაცია „იმარატ კავკაზის“ მეთაური უმაროვის საქმიანობა“, - განაცხადა ბორტნიკოვმა ნაციონალური ანტიტერორისტული კომიტეტის სხდომაზე.

უწინ უმაროვის განადგურების შესახებ ჩეჩნეთის ხელმძღვანელი რამზან კადიროვი იუწყებოდა.

ამასთან, მისივე თქმით, 2014 წლის პირველ კვარტალში ჩატარებულია 33 კონტრტერორისტული ოპერაცია.