საქართველო, 4 აპრილი, საქინფორმი. მოსკოვის კუნცევოს სასამართლომ 14 წლით თავისუფლების აღკვეთა მიუსაჯა ქართველი გენერლის რომან დუმბაძის მკვლელობაში ბრალდებულს. დუმბაძეს საქართველოში სამშობლოს ღალატისათვის სამუდამო პატიმრობა ჰქონდა მისჯილი და შემდგომ ის რუსეთის ფედერაციას გადაეცა 12 ქართველი სამხედრო მოსამსახურის სანაცვლოდ. ამის შესახებ „რია ნოვოსტის“ სასამართლოს პრესმდივანმა ტატიანა დანშოვამ აუწყა. განაჩენის თანახმად, ბრალდებული გოჩა კვირიკაშვილი სასჯელს მკაცრი რეჟიმის კოლონიაში მოიხდის.

განსასჯელის თხოვნით, რომელმაც დანაშაული აღიარა, საქმე განსაკუთრებული წესით განიხილებოდა - მტკიცებულებების შესწავლის და მოწმეთა დაკითხვის გარეშე. კანონის თანახმად, განსაკუთრებული წესის შემთხვევაში ბრალდებულს მიესჯება არა უმეტეს იმ ვადის ორი მესამედისა რაც ამ მუხლისათვის არის გათვალისწინებული რფ-ის სისხლის სამართლის კოდექსით.

დუმბაძე 2012 წლის 21 მაისს მოკლეს მოსკოვში, რუბლიოვის გზატკეცილზე. 2004 წლიდან ის სამუდამო პატიმრობას იხდიდა საქართველოში სამშობლოს ღალატისათვის. 2008 წლის აგვისტოში გორში ქართულმა მხარემ ის რუსეთს გადასცა 12 ქართველი სამხედრო მოსამსახურის სანაცვლოდ. 2010 წელს რუსეთის პრეზიდენტის ბრძანებულებით დუმბაძემ რუსეთის მოქალაქეობა მიიღო.