უკრაინამ რუსული კამფეტი, თევზი და ყველი დაიწუნა

უცხოეთი

kanfeti-zar-3 საქართველო, 3 აპრილი, საქინფორმი. უკრაინის სახელმწიფო სამომხმარებლო ინსპექციამ ჩაატარა შემოწმება და გაყიდვიდან ამოაქვს რუსული საკონდიტრო, ყველისა და რძის პროდუქტები. ამის შესახებ ინფორმაცია ინსპექციის საიტზე განთავსდა.

კერძოდ, დაწუნებულია ფაბრიკების: „კრასნი ოკტიაბრ“, „როტ ფრონტ“ და კონცერნ „ბაბაევსკის“ კამფეტები. რუსეთის პროდუქციის შემოწმება საპარლამენტო ფრაქცია „სვობოდას“ თავმჯდომარე ოლეგ ტიაგნიბოკის მიმართვის საფუძველზე განხორციელდა.

შემოწმებისას დადგინდა, რომ საქონლის რეალიზაცია „საკვები პროდუქტების უსაფრთხოებისა და ხარისხის შესახებ“ უკრაინის კანონის 38-ე მუხლის მოთხოვნის საწინააღმდეგოდ ხორციელდებოდა.

აიკრძალა „ვიჩუნაი-რუსის“ და „როსკონის“ თევზის კონსერვებიც, ისევე, როგორც „ლაკტალის ისტრას“ მდნარი ყველი.