საქართველო, 1 აპრილი, საქინფორმი. დღეს საქართველოს დელეგაცია საგარეო საქმეთა მინისტრ მაია ფანჯიკიძის ხელმძღვანელობით მონაწილეობას მიიღებს ნატოს მინისტერიალში საგარეო საქმეთა მინისტრების დონეზე, რომელიც 1-2 აპრილს ბრიუსელში გაიმართება.

მიუხედავად იმისა, რომ 2014 წლის 26 მარტს აშშ-ის პრეზიდენტმა ბარაკ ობამამ განაცხადა, რომ საქართველოს ნატოში არ მიიღებენ და ასეთი სამომავლო გეგმებიც კი არ არსებობს, მაია ფანჯიკიძემ ჟურნალისტებს განუცხადა, რომ “ხვალ, 2 აპრილს, მინისტერიალის ფარგლებში ჩატარდება ნატო-საქართველოს კომისიის სხდომა, რომელზეც ქართული მხარე ილაპარაკებს ალიანსში ინტეგრაციის გზაზე მიღწეულ პროგრესზე და მის პერსპექტივებსა და მოლოდინებზე წელს დაგეგმილ ნატოს სამიტთან დაკავშირებით” (?!).

თეთრად შემოსილი საქართველოს საგარეო საქმეთა მინისტრი მონაწილეობას მიიღებს ISAF-ის ოპერაციის მონაწილე ქვეყნების წარმომადგენელთა შეხვედრაში, თუმცა ნატოში ჩვენს მიღებას არ აპირებენ, ამიტომ ამიერიდან ავღანეთში დაღუპული ყველა ქართველი სამხედროს სისხლი მათი სიცოცხლეებით მოვაჭრე ფანჯიკიძის თეთრ სამოსს და მარგალიტებს შეეშხეფება!