საქართველო, 25 მარტი, საქინფორმი. აშშ აცხადებს უკრაინისთვის ყირიმის საკითხში თავისი მხარდაჭერის შესახებ, - აღნიშნულია უკრაინისა და აშშ-ის ერთობლივ განცხადებაში, რომელიც ჰააგაში ბირთვული უსაფრთხოების სამიტისას იქნა მიღებული.

„ყირიმი უკრაინის შემადგენელი ნაწილია. აშშ აგრძელებს უკრაინისთვის დახმარების აღმოჩენას თავისი სუვერენიტეტისა და ტერიტორიული მთლიანობის გამყარებაში. აშშ მხარს უჭერს უკრაინის ხალხს ერთიანობის, მშვიდობისა და ქვეყანაში უსაფრთხოების მშენებლობაში“, - ნათქვამია განცხადებაში.

პოლიტიკური კრიზისი უკრაინაში 2013 წლის ნოემბრის ბოლოს დაიწყო, როცა მინისტრთა კაბინეტმა ქვეყნის ევროინტეგრაციის შეჩერება გამოაცხადა. მასობრივი პროტესტები, რომლებსაც ევრომაიდანი ეწოდა, მთელ უკრაინას მოედო და იანვარში რადიკალებსა და სამართალდამცავ ორგანოებს შორის შეიარაღებულ დაპირისპირებაში გადაიზარდა.

22 თებერვალს ქვეყანაში ხელისუფლების ძალით მიტაცება განხორციელდა. უმაღლესმა რადამ შეცვალა კონსტიტუცია, პარლამენტისა და შსს-ს ხელმძღვანელობა და დაამხო სახელმწიფოს მეთაური, რომელიც შემდგომში იძულებული გახდა, უკრაინა დაეტოვებინა.