ახალაიას, მელნიკოვს, ალანიასა და თოფურიძეს 3 წლითა და 9 თვით პატიმრობა მიესაჯათ
საქართველო, 14 მარტი,
საქინფორმი. დათა ახალაიას, ოლეგ მელნიკოვს, გერონტი ალანიას და სოსო თოფურიძეს 2005 წელს ე.წ.მოდულის შენობაში სამი პოლიციელის -
მალხაზ აზარაშვილის, დავით კურცხალიას და
ზაზა მესხის ცემის ფაქტზე 3 წლითა და 9 თვით თავისუფლების აღკვეთა შეეფარდათ. მოსამართლე
ბესიკ ბუგიანიშვილის გადაწყვეტილებით, ყველა პირს ბრალი დაედო სისხლის სამართლის კოდექსის 333-ე მუხლით, რაც სამსახურებრივი უფლებამოსილების გადამეტებას გულისხმობს.
ამასთან, დათა ახალაია კიდევ ერთ, 143-ე მუხლში, რაც თავისუფლების უკანონოდ აღკვეთას გულისხმობს, უდანაშულოდ ცნეს.
საქინფორმის მკითხველს შევახსნებთ, დათა ახალაია, გერონტი ალანია და სოსო თოფურიძე მიმალვაში იმყოფებიან, ოლეგ მელნიკოვი კი - პატიმრობაში.
სასამართლოს დღევანდელ გადაწყვეტილებას ხმაური მოჰყვა, დაზარალებულებისა და ბრალდებულების ახლობლები ერთმანეთს სიტყვიერად დაუპირისპირდნენ.