საქართველო, 13 მარტი, საქინფორმი. განსაკუთრებული მოვლენა მართლმადიდებლურ სამყაროში - 12 საუკუნის შემდეგ, მსოფლიო საეკლესიო კრება 2016 წელს ჩატარდება. კრების თარიღი კონსტანტინოპოლში მართლმადიდებელი პატრიარქების შეკრებაზე დაასახელეს. თუმცა მანამდე მონაწილეები კრებაზე განსახილველ თემებზე უნდა შეთანხმდნენ.

სიტყვით გამოსვლის დროს ილია მეორემ მოახლოებულ კრებამდე საქართველოსთან დაკავშირებული ორი საკითხის გადაწყვეტა მოითხოვა. ესენია: საქართველოს კუთვნილი ადგილის დაბრუნება ეკლესიების იერარქიაში და ოკუპირებულ აფხაზეთსა და ცხინვალში საქართველოს მართლმადიდებელი ეკლესიის იურისდიქციის გავრცელება.

სწორედ იურისდიქციასთან დაკავშირებით არსებული დავა გახდა იმის მიზეზი, რომ მართლმადიდებლობის ზეიმზე გასამართ საღვთო ლიტურგიაში მონაწილეობა არ მიიღო, კრება ნაადრევად დატოვა და დოკუმენტს ხელი არ მოაწერა ანტიოქიის ეკლესიის წარმომადგენლობამ.

კიდევ ერთი თემა, რომელზეც ეკლესიების მეთაურები შეთანხმებას ვერ ახერხებენ, საეკლესიო კალენდრის საკითხია (იხ. ვიდეო აქ).