საქართველო, 12 მარტი, საქინფორმი. აშშ-ის კონგრესის წარმომადგენელთა პალატამ ყირიმში რუსეთის ქმედებები დაგმო. შესაბამისი რეზოლუცია ამერიკის პარლამენტის ქვედა პალატამ სამსაბათს, 11 მარტს მიიღო. მომხრე აღმოჩნდა პალატის 402 წევრი, წინააღმდეგი კი - შვიდი.

დოკუმენტის პროექტი განსახილევლად რესპუბლიკელმა ედ როისმა წარმოადგინა, რომელიც საგარეო საქმეთა კომიტეტს ხელმძღვანელობს, ასევე პროექტის ინიციატორია კომიტეტის წევრი, დემოკრატი ელიოტ ენგელი. უწინ დოკუმენტის ტექსტი კომიტეტმა მოიწონა. რეზოლუციის პროექტში ნათქვამია, რომ რუსეთის მხარის ქმედებები საერთაშორისო უსაფრთხოებისთვის საშიშროებას წარმოადგენს . „რეზოლუცია გმობს უკრაინის სუვერენიტეტის დარღვევას და მოუწოდებს სანქციების შემოღებისკენ რუსი მაღალჩინოსანი ოფიციალური პირების მიმართ“, - ნათქვამია კომიტეტის მიმართვაში.