უცხოეთი
„საქართველოს ხელისუფლებას ვთხოვთ, ქალაქ ნინოწმინდაში რუსული წიგნის სახლის გახსნის ნება დაგვრთოს“ - რუსეთის ჯავახკის დიასპორის მიმართვა საქართველოს ხელისუფლებისადმი
საქართველო, 10 მარტი, საქინფორმი. 2012 წლის ოქტომბრის საპარლამენტო არჩევნების შედეგებით ხელისუფლებაში კოალიცია „ქართული ოცნება“ მოვიდა პრემიერ-მინისტრ ბიძინა ივანიშვილით სათავეში. ახალი ხელისუფლების წარმომადგენლებმა არაერთხელ განაცხადეს და კვლავაც ირწმუნებიან, რომ ერთ-ერთი მთავარი პრიორიტეტი რუსეთთან ურთიერთობის დალაგებაა.
რუსული წიგნის სახლი იქნება არა მარტო ობიექტი, სადაც ყველა მსურველს რუსულ წიგნებს შესთავაზებენ, არამედ ადგილიც, სადაც სხვადასხვა შეხვედრა ჩატარდება საკითხთა ფართო წრის განხილვით, რომლებიც სხვადასხვა ეროვნების ხალხების ჰუმანიტარულ თანაშრომლობას ეხება. ასეთი სახლი ნინოწმინდაში დიდი ხანია საჭიროა და ის რეგიონული კულტურული ცენტრის დატვირთვას მიიღებს.
რუსული წიგნის სახლის გახსნა უთუოდ წაადგება რუსულ-ქართული ურთიერთობის დათბობას და მნიშვნელოვანი ნაბიჯი იქნება საქართველოსა და რუსეთს შორის ჰუმანიტარული თანამშრომლობის განვითარებისთვის.
