საქართველო, 27 თებერვალი, საქინფორმი. გუშინ ჟურნალისტებთან საუბრისას ჯონ კერიმ პარალელი გაავლო უკრაინაში მომხდარ მოვლენებსა და გასული წლის ივლისში ეგვიპტის პრეზიდენტ მუჰამედ მურსის ხელისუფლებიდან ჩამოშორებას შორის. სახელმწიფო მდივნის განცხადებით, ამ შემთხვევამ დაადასტურა, რომ  მხოლოდ არჩევნები საკმარისი არ არის დემოკრატიული რეჟიმის დასამყარებლად.

როგორც ცნობილია, აშშ აქტიურად მიესალმა რევოლუციების ჯაჭვს არაბულ სამყაროში, რომელიც 2011 წელს დაიწყო და რომელიც მედიამ „არაბულ გაზაფხულად“ მონათლა. თუმცა, ამ რეგიონში ხელისუფლების შეცვლამ ნეგატიური შედეგები გამოიღო ამერიკის საგარეო პოლიტიკისთვის, კერძოდ, აშშ-ისა და ეგვიპტის ორმხრივ ურთიერთობპში მურსის ჩამოგდების შემდეგ კრიზისი დაიწყო.