საქართველო, 18 თებერვალი, საქინფორმი. უნგრეთის პარლამენტის სხდომა გასულ ხუთშაბათს სკანდალით დასრულდა. თუმცა, ეს სკანდალური ეპიზოდი რატომღაც ევროპულ მედიაში არ მოხვდა, მიუხედავად იმისა, რომ ვიდეოკამერით იყო დაფიქსირებული. დილის სხდომის მიმდინარეობისას, სადაც უცხოელების მიერ მიწის ყიდვა-გაყიდვის სკანდალური საკითხი განიხილებოდა, კონფლიქტური სიტუაცია შეიქნა, რომელზეც გაჩუმება აჯობინეს.

პარტია „იობიკის“ დეპუტატი ტამაშ გაუდი-ნადი აქტიურად გამოდის უნგრული მიწებით ვაჭრობის შესახებ კანონის წინააღმდეგ. ეს მიწის საკითხი ნამდვილად ძალიან აქტუალურია დღეს უნგრეთში. ქვეყანაში უკვე ნებადართულია ბინადრობის უფლების მიყიდვა უცხოელებისათვის, რაც მათ უფლებას აძლევს შენგენის ზონაში უვიზო რეჟიმით ისარგებლონ. უნგრელებს თავისი მიწისადმი სრულიად სხვაგვარი დამოკიდებულება აქვთ. ამიტომ დეპუტატმა ტამაშ გაუდიმ თავისი გამოსვლის შემდეგ თამამი ნაბიჯი გადადგა. სხდომის დარბაზიდან ევროკავშირის ორივე დროშა აიღო, კორიდორში გაიტანა და პატარა სიტყვა წარმოთქვა ევროკავშირისა და მისი მოთხოვნების მავნებლობაზე. საბოლოოდ, სკანდალისტმა დეპუტატ ბალაჟ ლენჰარდტან ერთად ევროკავშირის დროშები ფოტოკამერების წინ პარლამენტის ეზოში გამავალი ფანჯრიდან გადაყარა.