აქტუალური
კომპანია „ჯეოსელის“ წინააღმდეგ გადასახადების თავიდან არიდებისთვის საქმე აღიძრა
საქართველო, 14 თებერვალი, საქინფორმი. გუშინ, 13 თებერვალს, ფინანსთა სამინისტროს საგამოძიებო სამსახური კომპანია „ჯეოსელში" შევიდა. დღეს კი გავრცელდა ცნობა, რომ კომპანია „ჯეოსელის“ წინააღმდეგ ფინანსთა სამინისტროს საგამოძიებო სამსახურმა საქმე დიდი ოდენობით გადასახადებისგან თავის არიდების მუხლით აღძრა.
„ამ ეტაპზე მხოლოდ ის შემიძლია გითხრათ, რომ საქმე სსკ-ის 218-ე მუხლით არის აძღრული. მოგვიანებით, როდესაც გამოძიება იმ ეტაპზე მივა, რომ დამატებითი ინფორმაციის მოწოდება შეგვეძლება, აუცილებლად მოგაწვდით“, - განაცხადა საგამოძიებო სამსახურის პრესცენტრის ხელმძღვანელმა გიორგი გრძელიშვილმა.
მუხლი, რომლითაც კომპანია "ჯეოსელის" წინააღმდეგ სისხლის სამართლის საქმე აღიძრა, 5-დან 8 წლამდე თავისუფლების აღკვეთას ითვალისწინებს.
თავად „ჯეოსელში“ამ დროისთვის აღნიშნულთან დაკავშირებით კომენტარს არ აკეთებენ.
