საქართველო, 29 იანვარი, საქინფორმი. რფ-ის პრეზიდენტი ვ. პუტინი აცხადებს, რომ რუსეთი უკრაინის საშინაო საქმეებში არ ჩაერევა და დაბეჯითებით ურჩევს ევროკავშირს, იგივე მოიმოქმედოს.

„უკრაინისთვის მიცემულ რჩევებთან დაკავშირებით, თუ რა და როგორ უნდა მოიმოქმედოს. ვფიქრობ, უკრაინელ ხალს თავად შეუძლია გაერკვეს. ყოველ შემთხვევაში, რუსეთი არასდროს ჩაერევა ამაში“, - განაცხადა პუტინმა რუსეთ-ევროკავშირის სამიტის შედეგებთან დაკავშირებით გამართულ პრესკონფერენციაზე.

„შემიძლია წარმოვიდგინო, რა რეაგირებას მოახდენდნენ ჩვენი ევროპელი პარტნიორები კრიზისის პირობებში,  თუკი ვთქვათ საბერძნეთში ან კვიპროსზე ერთ-ერთ ანტიევროპულ მიტინგზე ჩვენი საგარეო საქმეთა მინისტრი გამოჩნდებოდა და რაღაც მოწოდებებს გააკეთებდა. მიგვაჩნია, რომ ეს ცუდია, ხოლო უკრაინასა და რუსეთს შორის ურთიერთობების სპეციფიკიდან გამომდინარე, ჩვენთვის ეს მიუღებელი და შეუძლებელია“, - განაგრძო მან.