საქართველო, 29 იანვარი, საქინფორმი. აშშ უკრაინელი ხალხის მშვიდობიან პროტესტს მხარს დაუჭერს. ამის შესახებ აშშ–ს პრეზიდენტმა ბარაკ ობამამ კონგრესისადმი თავის ყოველწლიურ მიმართვაში განაცხადა.

„ტუნისიდან მიანმამდე  მხარს ვუჭერთ ყველას, ვისაც დემოკრატიის მშენებლობის რთული სამუშაოს შესრულება სურს. უკრაინაში ჩვენ მომხრე ვართ, მთელ ხალხს ჰქონდეს უფლება, თავისუფლად და მშვიდობიანად გამოხატოს თავისი სურვილი და პოზიცია ქვეყნის მომავალთა დაკავშირებით“, - განაცხადა აშშ-ის 44-ე პრეზიდენტმა.

მისივე  თქმით, შეერთებული შტატები უკრაინის ევროინტეგრაციას მხარს უჭერს.

„უკრაინის ხელისუფლებამ რეაგირება უნდა მოახდინოს თავისი ხალხის მოთხოვნაზე, მათ შორის, დაიცვას დემოკრატიის ძირითადი პრინციპები. თუ საჭირო გახდება, ჩვენ ახალ ქმედებებს განვახორციელებთ უკრაინის ხელისუფლების მიმართ. ამისათვის მზად ვართ“, - აღნიშნა მან.