საქართველო, 27 იანვარი, საქინფორმი. რფ-ის საგარეო საქმეთა მინისტრმა სერგეი ლავროვმა განაცხადა, რომ უკრაინაში, კერძოდ, კიევში მიმდინარე სიტუაციის შექმნის უკან მესამე პირები - უცხოეთის სახელმწიფოები დგანან. ამასთან, მან საკმაოდ კრიტიკულად შეაფასა უკრაინის ოპოზიცია და მისი მოქმედების მეთოდები.

როგორც ლავროვმა აღნიშნა, რუსეთი ფლობს კონკრეტულ ინფორმაციას, რომელიც მეტყველებს იმაზე, რომ არეულობებს კიევში საზღვარგარეთიდან გარე სტიმულები აქვს. რუსი პოლიტიკოსის თქმით, ისეთი ქმედებები, როგორიცაა დემონსტრანტების მიერ მერიისა და სხვა სამთავრობო შენობების ხელში ჩაგდება რამდენიმე კვირის განმავლობაში, უბრალოდ წარმოუდგენელია ევროპის ქვეყნებისთვის. ევროკავშირში ამას არასოდეს დაუშვებდნენ, - იუწყება „დელოვოი კვარტალი“.

ასევე, მინისტრს მიაჩნია, რომ ეს მესამე ქვეყნები უკვე დიდი ხანია აწარმოებენ თავის საკუთარ პოლიტიკას უკრაინის ოპოზიციის წარმომადგენლებთან რაიმე კოორდინაციის გარეშე. არსობრივად, ისინი მხედველობაშ არც იღებენ უკრაინაში ოპოზიციური პარტიების ინტერესებს, რადგან აგრძელებენ დაძაბულობის გამწვავებისა და ახალი შეტაკებების პროვოცირების მცდელობებს. ასეთ სიტუაციებში ევროკავშირში არავინ მსჯელობს ვითარების სტაბილიზაციისა და მასობრივი არეულობების აღსაკვეთად მკაცრი ზომების მიზანშეწონილობასა და ჰუმანურობაზე, - წერს გამოცემა „პერსა უკრაინი“ მინისტრის სიტყვებზე დაყრდნობით.