საქართველო, 23 დეკემბერი, საქინფორმი. 17 დეკემბერს მოსკოვში მიღებული უკრაინისა და რუსეთის შეთანხმებები განამტკიცებს უკრაინის დამოუკიდებლობასა და სუვერენიტეტს. ასეთი რწმენა გამოთქვა ტელეარხ „ინტერის“ ეთერში უკრაინის პრემიერ-მინისტრმა ნიკოლაი აზაროვმა საერთაშორისო ფინანსური ორგანიზაციების შეფასებებზე დაყრდნობით, - გადმოსცემს УНН უკრაინის მინისტრთა კაბინეტის პრესსამსახურის ინფორმაციაზე დაყრდნობით.

„ბაზარი მაშინვე დადებითად გამოეხმაურა ამ გარიგებას. ჩვენი საკრედიტო გადასახადები მკვეთრად შემცირდა და საიმედო მსესხებლებად ვიქეცით. ჩვენთვის უკვე გაიხსნა ფინანსური ბაზარი და უკვე არა 20%-ით, რომელზეც ვალს ვერ ვიღებდით, არამედ ნორმალური 7 პროცენტით. ჩვენ ამიერიდანაც გავაგრძელებთ ბაზრებთან მუშაობას. ამ შეთანხმებამ, პირიქით, გააძლიერა ჩვენი სუვერენიტეტი, განამტკიცა ჩვენი დამოუკიდებლობა“, - აღნიშნა აზაროვმა.

პრემიერ-მინისტრის თქმით, მოსკოვური შეთანხმების შემდეგ უკრაინა 1 მლრდ დოლარზე მეტი ინვესტიციის მიღებას იმედოვნებს. კერძოდ, უკრაინა ვითარებას არეგულირებს საბაჟო კავშირის ქვეყნებთან, მათთან სასიკეთო სავაჭრო რეჟიმის შესანარჩუნებლად.