საქართველო, 19 დეკემბერი, საქინფორმი. რუსეთის პრეზიდენტი ვლადიმერ პუტინი მნიშვნელოვნად მიიჩნევს რუსი საზოგადოების დაცვას ტრადიციული რუსული ღირებულებების წინააღმდეგ აგრესიისგან. ამის შესახებ მან პრესკონფერენციაზე განაცხადა.

„ჩემთვის მნიშვნელოვანია არა დასავლური ღირებულებების კრიტიკა, არამედ ჩვენი მოსახლეობის დაცვა ზოგიერთი კვაზიღირებულებისგან, რომლებიც ძალიან რთულად აღიქმება ჩვენი მოსახლეობის მიერ“, - განაცხადა პრეზიდენტმა.

„ლაპარაკი კრიტიკაზე არაა, ლაპარაკია ზოგიერთი სოციალური ჯგუფის საკმაოდ აგრესიული ქმედებებისგან თავის დაცვაზე, რომლებიც, ჩემი აზრით, უბრალოდ ისე კი არ ცხოვრობენ, როგორც სურთ, არამედ სხვა ადამიანებს, სხვა ქვეყნებში თავის თვალსაზრისს საკმაოდ აგრესიულად ახვევენ თავზე“, - აღნიშნა რუსეთის სახელმწიფოს მეთაურმა.