საქართველო, 13 დეკემბერი, საქინფორმი. კანტონ ვოს (შვეიცარია) რეფორმატორული ევანგელისტური ეკლესიის სინოდს საგანგებო საქორწინო ცერემონია შემოაქვს ერთსქესიანი წყვილებისთვის, რომლებიც სამოქალაქო პარტნიორობაში იმყოფებიან, და გეებისა და ლესბოსელების წყვილებს ყველა საეკლესიო კანონის მიხედვით ჯვრისწერის უფლებას აძლევს. დადგენილება 2014 წლის 1 იანვრიდან შედის ძალაში.

რიტუალი ტრადიციული საქორწინო ცერემონიისგან განსხვავებული იქნება. სენ-სიულპისში სინოდის მორიგ სხდომაზე გადაწყდა, აგრეთვე, რომ “სინდისის მოსაზრებებით” მღვდელს უფლება აქვს, ერთსქესიანი წყვილებისთვის ცერემონიის ჩატარებაზე უარი თქვას.