საქართველო, 13 დეკემბერი, საქინფორმი. პარიზში ლგბტ-აქტივისტების  მასობრივი საპროტესტო აქციები მიმდინარეობს, რომლებშიც 50.000-ზე მეტი ადამიანი მონაწილეობს. მანიფესტანტები ქრისტიანებს ექსტრემიზმში ადანაშაულებენ და ქვეყანაში ამ რელიგიის აკრძალვას მოითხოვენ.

არეულობების საბაბად იქცა კათოლიკური ეკლესიის ერთ-ერთი მღვდლის უარი, შეესრულებინა ქორწინების საიდუმლოს რიტუალი ჰომოსექსუალთა წყვილისათვის. თავისი უარი პადრემ იმით განმარტა, რომ კათოლიკური კატეხიზმოს მიხედვით „ქორწინება წარმოადგენს ორმხრივ შეთანხმებას, როცა მამაკაცი და ქალი ახალი ოჯახის შექმნის, შვილების აღზრდისა და ურთიერთდახმარების მიზნით ერთიანდებიან“.

თუმცა საეკლესიო დოკუმენტის არგუმენტად მოყვანამ ერთმანეთზე შეყვარებული მამაკაცები არ დააკმაყოფილა და მათ მღვდელმსახურისგან დაჟინებით მოითხოვეს მაისში პრეზიდენტ ფრანსუა ოლანდის მიერ ხელმოწერილი ბრძანების დაუყოვნებლივ შესრულება, რომლის მიხედვითაც ერთსქესიანი ქორწინებები დაკანონდა. თვითმხილველთა თქმით, ეს დაჟინება არ მოეწონა მღვდელს, რომელიც იძულებული შეიქნა, ქრისტიანული მოთმინება გვერდზე გადაედო, ჰომოსექსუალების მიმართ ფიზიკური ძალა გამოეყენებინა და ისინი კინწისკვრით გაეყარა ტაძრიდან.

აღნიშნული ინციდენტი შესაძლოა შეუმჩნეველიც დარჩენილიყო და ამით დასრულებულიყო ყველაფერი, მაგრამ, მისდა საუბედუროდ, კათოლიკე მღვდელი არა მარტო მუშტებით გაუმასპინძლდა ჰომოსექსუალებს, არამედ ერთობ მკვეთრი და არაორაზროვანი რეპლიკებიც გამოიყენა, სადაც ამომწურავად „დაახასიათა“ არა მარტო ოლანდისა და ქორწინების მოსურნე წყვილის მშობლები, არამედ ისიც არ დაუმალავს, თუ რას ფიქრობდა მთელ ლგბტ-თანამეგობრობაზე.

რამდენიმე საათის შემდეგ კი სოციალურ ქსელ „ფეისბუქში“ სწრაფად გავრცელდა ცნობა, სადაც ლგბტ-აქტივისტები თავიანთ მომხრეებს აქციაზე გამოსვლისკენ მოუწოდებდნენ მოთხოვნით  „აიკრძალოს ჰომოფობიური რელიგია, რომელიც მხოლოდ თავისი არსებობის ფაქტით არღვევს არა მარტო სახელწიფოსა და ადამიანების უფლებებს, არამედ ზოგადევროპულ ღირებულებებსაც”.

შედეგად მასობრივ საპროტესტო დემონსტრაციაზე 50.000-ზე მეტი კაცი გამოვიდა, რომლებმაც დაბლოკეს მოძრაობა ელისეს მინდვრებზე და თანხმობის მოედნიდან ტრიუმფალურ თაღამდე განთავსდნენ.

მანიფესტანტთა მთავარ მოთხოვნას ქრისტიანობის, როგორც სექსუალური ნიშნით სიძულვილის გამაღვივებელი და მაშასადამე თავისი არსით ექსტრემისტული რელიგიის დაუყოვნებელი აკრძალვა წარმოადგენდა.