აქტუალური
საქართველოს პრემიერ–მინისტრი ახალი სამშენებლო კოდექსის შემუშავების პროცესში უშუალოდ ჩაერთვება
საქართველო, 12 დეკემბერი, საქინფორმი. აღნიშნული გადაწყვეტილება პრემიერ–მინისტრმა ეკონომიკური საბჭოს მორიგი სამუშაო შეხვედრის დროს მიიღო. ირაკლი ღარიბაშვილი მშენებლობის ხარისხით დაინტერესდა და ხარისხის კონტროლის ინსტიტუციური მექანიზმების მოწესრიგების სურვილი გამოთქვა. პრემიერთან არსებული ეკომომიკური საბჭოს გადაწყვეტილებით, ახალი სამშენებლო კოდექსის შემუშავების პროცესში აქტიურ მონაწილეობას მიიღებენ სპეციალისტები და შესაბამის საკითხებზე მომუშავე არასამთავრობო სექტორის წარმომადგენლები.
ეკონომიკურმა საბჭომ ასევე იმსჯელა მიმდინარე ეკონომიკურ თემებზე, განიხილა ახალი საინვესტიციო წინადადებები. მთავრობის კანცელარიაში გამართულ სხდომაზე გადაწყდა, რომ საქართველოს ხელისუფლება გააგრძელებს მცირემიწიან ფერმერთა დახმარების პროგრამას. 2014 წლის საგაზაფხულო სასოფლო–სამეურნეო სამუშაოები დაფინანსდება როგორც ბიუჯეტის, ისევე კერძო ფონდების მეშვეობით. 
