უცხოეთი
იანუკოვიჩმა და ნულანდმა უკრაინაში სიტუაციის დარეგულირების გზებზე იმსჯელეს
საქართველო, 11 დეკემბერი, საქინფორმი. უკრაინის პრეზიდენტ ვიქტორ იანუკოვიჩსა და აშშ-ის სახელმწიფო მდივნის თანაშემწე ვიქტორია ნულანდს შორის შეხვედრა გაიმართა. უკრაინული საინფორმაციო სააგენტოების ცნობით, მხარეებმა უკრაინაში შექმნილი ვითარების მოგვარების გზები განიხილეს.
"მხარეებმა ნაყოფიერი მოლაპარაკება გამართეს, განიხილეს ორმხრივი ურთიერთობები, შიდა და გარე გამოწვევები, რომელთა წინაშეც დღეს უკრაინა დგას", - განუცხადეს უკრაინულ სააგენტოს მთავრობის პრესსამსახურში.
ნულანდის განცხადებით, მან "ნათლად მიანიშნა უკრაინის პრეზიდენტს რომ მეთოდი, რომელიც გუშინ აქციის მონაწილეთა დასაშლელად იყო გამოყენებული, დემოკრატიული, ევროპული საზოგადოებისთვის მიუღებელია”.
