უცხოეთი
სურკოვი: „სამხრეთ ოსეთის საბაჟო კავშირში გაწევრება არარეალურია“
საქართველო, 5 დეკემბერი, საქინფორმი. რუსეთის, ბელარუსისა და ყაზახეთის საბაჟო კავშირში სამხრეთ ოსეთის გაწევრების პერსპექტივები არარეალურია. ამის შესახებ 4 დეკემბერს ცხინვალში რუსეთის პრეზიდენტის თანაშემწემ დსთ-ს ქვეყნებთან, სამხრეთ ოსეთსა და აფხაზეთთან ურთიერთობის საქმეში ვლადისლავ სურკოვმა განაცხადა.
„რეალისტები უნდა ვიყოთ. შესაძლებელია იცხოვრო ილუზიებით, გჯეროდეს მითების, მაგრამ ნუ გააკეთებთ ამას. რეალობა უნდა დაინახოთ, თუნდაც ის ზოგჯერ უშნო იყოს, მკაცრი და რთულიც“, - განაცხადა მან.
სურკოვის აზრით, საბაჟო კავშირში სამხრეთ ოსეთის გაწევრებას ბევრი მიზეზი უშლის ხელს, როგორც პოლიტიკური, ასევე სოციალ-ეკონომიკური. და პირველ რიგში, მისივე თქმით, არსებობს გარკვეული შეზღუდვები, რომლებიც რუსეთის შესაძლებლობებს უკავშირდება.
