უცხოეთი
ვლადიმერ პუტინი: „უკრაინის მოვლენები რევოლუციას კი არა, ნგრევას ჰგავს. ოპოზიციას არ შეუძლია ბოევიკების ჯგუფის წვრთნის კონტროლირება ანდა ექსტრემისტებისთვის პოლიტიკურ შირმას წარმოადგენს“

1ucx-3-ukraia-sobitieსაქართველო, 3 დეკემბერი, საქინფორმი. გუშინ რუსეთის პრეზიდენტი ვლადიმერ პუტინი სომხეთს სახელმწიფო ვიზიტით ეწვია და რესპუბლიკის პრეზიდენტ სერჟ სარქისიანან მოლაპარაკება აწარმოა. ლიდერებმა განიხილეს რუსეთის, ბელარუსის და ყაზახეთის საბაჟო კავშირში სომხეთის გაერთიანების პერსპექტივები.

პრესკონფერეციაზე ჟურნალისტები დაინტერესდნენ რუსეთის  პრეზიდენტის დამოკიდებულებით უკრაინის ბობოქარი მოვლენებისადმი, რაც ევროკავშირთან კიევის ასოცირებული წევრობის დაყოვნების სამთავრობო გადაწყვეტილებას უკავშირდება.

„უკრაინის მოვლენები რევოლუციას კი არა, ნგრევას ჰგავს. ჩემი აზრით, ეს ნაკლეად უკავშირდება უკრაინისა და ევროკავშირის ურთიერთობებს“, - განაცხადა რუსეთის პრეზიდენტმა, რომლის თქმითაც, უკრაინაში მიმდინარე მოვლენები ამ ქვეყანაში მოსალოდნელი საპრეზიდენტო არჩევნებისთვის მზადებას წარმოადგენს.

ამასთან, პუტინი ვარაუდობს, რომ აქციები კიევში გარედან არის ორგანიზებული. ხოლო ოპოზიცია კიევში, შესაძლოა, ექსტრემისტების მოქმედებებისთვის შირმას წარმოადგენდეს.