საზოგადოება
საქართველოს პრეზიდენტის შეხვედრა ლატვიის პრეზიდენტთან
საქართველო, 29 ნოემბერი, საქინფორმი. საქართველოს პრეზიდენტი გიორგი მარგველაშვილი „აღმოსავლეთ პარტნიორობის“ სამიტის ფარგლებში ლატვიის რესპუბლიკის პრეზიდენტს ანდრის ბერზინშს შეხვდა. საუბრის დასაწყისში საქართველოს პრეზიდენტმა კიდევ ერთხელ გამოთქვა ღრმა მწუხარება რიგაში დატრიალებულ ტრაგედიასთან დაკავშირებით და თანადგომა გამოუცხადა ლატვიელ ხალხს.
გიორგი მარგველაშვილმა მადლობა გადაუხადა ანდრის ბერზინშს ლატვიის მიერ საქართველოს ტერიტორიული მთლიანობის მხარდაჭერისთვის. ლატვიის პრეზიდენტმა, თავის მხრივ, აღნიშნა საქართველოს მიერ ასოცირების ხელშეკრულების პარაფირების მნიშვნელობა და მხარდაჭერა გამოხატა საქართველოს ევროპული და ევროატლანტიკური ინტეგრაციისა და დემოკრატიული აღმშენებლობის პროცესში.
მხარეებმა ასევე ისაუბრეს თანამშრომლობის გაღრმავებაზე ბიზნესის, ვაჭრობის, თავდაცვისა და სხვა სფეროებში. საუბრის დასასრულს საქართველოს პრეზიდენტმა ლატვიელი კოლეგა საქართველოში მოიწვია.
