საზოგადოება
სავაჭრო ქსელში ქართული ღვინო "სტალინი" გამოჩნდა
საქართველო, 28 ნოემბერი, საქინფორმი. თბილისში სუპერ და ჰიპერმარკეტების ქსელში ქართული წარმოების ღვინო "სტალინი" იყიდება, - ამ ინფორმაციას News.ge ავრცელებს.
News.ge-ს გადამღები ჯგუფი აღნიშნული დასახელების ღვინოს "კარფურის" ქსელში, დადიანის ქუჩაზე გადააწყდა. ამავე დასახელების ღვინო იყიდება გორში, სტალინის სახლ-მუზეუმში. ღვინის ეტიკეტს საბჭოთა კავშირის დროშის ფორმა და ფერი აქვს, რომელზეც საბჭოთა სიმბოლიკა - ნამგალი და უროა გამოსახული.
1 ბოთლი მშრალი წითელი ღვინის ფასი "კარფურის" ქსელში 12.95 ლარია.
