საქართველო, 25 ნოემბერი, საქინფორმი. საქართველოს ექსპრეზიდენტმა მიხეილ სააკაშვილმა ამერიკულ პორტალ "BuzzFeed"-თან საუბრისას განაცხადა, რომ ლიტვასა და ბელორუსიაში რუს ოპოზიციონერებთან გივი თარგამაძის შეხვედრები პირადად მისი ინიციატივითა და თხოვნით იმართებოდა.

ამავდროულად მასალაში მოყვანილია თავად ქართველი „რევოლუციონერის“ სიტყვები, რომელიც უწინდებურად უარყოფს შეხვედრის ფაქტს და აცხადებს, „არ ვგრძნობ პასუხისმგებლობას იმაზე, რასთანაც არავითარ კავშირში არ ვარ“. თარგამაძემ აღნიშნა, რომ არ შეუძლია ერთდროულად პარლამენტის სხდომაზეც იჯდეს და ტრანსციმბირული მაგისტრალიც ააფეთქოს.