geflag
საზოგადოება
„ქართული ოცნება - დემოკრატიული საქართველოს" გენერალური მდივანი კახა კალაძე და 12-კაციანი პოლიტსაბჭო

saz-2-Rariba-sabCoსაქართველო, 25 ნოემბერი, საქინფორმი. გუშინ, 13:00 საათზე, „ექსპო-ჯორჯიას“ საგამოფენო ცენტრში პარტია "ქართული ოცნება - დემოკრატიული საქართველოს" მე-3 რიგგარეშე ყრილობა გაიმართა. ყრილობაზე პარტიამ ახალი წესდება დაამტკიცა და აირჩია ახალი თავმჯდომარე. დღეიდან პარტიას პოლიტსაბჭოს შემცირებული, 12-კაციანი შემადგენლობა ჰყავს:

1. კახა კალაძე

2. ნოდარ ხადური

3. ირინა იმერლიშვილი

4. გიორგი ვოლსკი

5. მანანა კობახიძე

6. ეკა ბესელია

7. თამაზ ავდალიანი

8. დავით საგანელიძე

9. ირაკლი ტრიპოლსკი

10. თემურ ჭკუასელი

11. ირაკლი სესიაშვილი

12. არმაზ ახვლედიანი

"ქართული ოცნება - დემოკრატიული საქართველოს" გენერალური მდივანი კახა კალაძე გახდა. პარტიის თავმჯდომარედ ირაკლი ღარიბაშვილი ერთხმად აირჩიეს. 
როგორც სიტყვით გამოსვლისას ბიძინა ივანიშვილმა აღნიშნა, ის დარწმუნებულია, რომ პარტიას ირაკლი ღარიბაშვილზე უკეთ ვერავინ წარუძღვება.

თავის მხრივ ირაკლი ღარიბაშვილმა მადლობა გადაუხადა ნდობისთვის ბიძინა ივანიშვილს. "განსაკუთრებული პატივისცემით მინდა მივესალმო ბატონ ბიძინა ივანიშვილს და მადლობა გადავუხადო მას. მადლობა იმისათვის, რომ დღეს ჩვენი სამშობლო თავისუფალია, მადლობა იმისთვის, რომ ჩვენ დავიბრუნეთ ჩვენი ქვეყანა, მადლობა იმისთვის, რომ განსხვავებული აზრისთვის აღარავის დევნიან, მადლობა სიცრუის დასრულებისთვის, ძალადობისა და უსამართლობის დამთავრებისთვის, მადლობა იმისთვის, რომ ქუჩაში ჩვენს ბიჭებს აღარავინ კლავს, ციხეებში პატიმრებს აღარ აწამებენ, მადლობა წართმეული უფლებების დაბრუნებისთვის, მადლობა ღირსების დაბრუნებისთვის, მომავლის იმედისთვის, მადლობა საქართველოს გადარჩენისთვის! მადლობა ყველაფრისთვის!"- განაცხადა ირაკლი ღარიბაშვილმა.