უცხოეთი
აფხაზეთისა და სამხრეთ ოსეთის მოქალაქეებზე ვიზების გაცემას აშშ ხელს არ შეუშლის

SSA-ucx-1საქართველო, 22 ნოემბერი, საქინფორმი. პრეზიდენტმა ალექსანდრე ანქვაბმა საგარეო საქმეთა მინისტრი ვიაჩესლავ ჩირიკბა მიიღო, რომელმაც მას ინფორმაცია მიაწოდა ამიერკავკასიაში უსაფრთხოებისა და სტაბილურობის საკითხებზე ჟენევის დისკუსიების 25-ე რაუნდის შედეგებისა და იტალიაში ვიზიტის შესახებ. მინისტრმა გამართულ მოლაპარაკებებს მთლიანობაში წარმატებული უწოდა. ამავე დროს, ჩირიკბა წუხს, რომ მიღებული არ იქნა მონაწილეთა ერთობლივი განცხადება ძალის გამოუყენებლობის შესახებ დოკუმენტზე ხელმოწერის თაობაზე. მისივე თქმით, ყველა მხარე, ქართულის გარდა, მზად იყო მის მისაღებად.

ჩირიკბა იმედოვნებს, რომ წლეულს მოლაპარაკებების ბოლო რაუნდი, რომელიც 17-18 დეკემბერსაა დაგეგმილი, ამ საკითხს წერტილს დაუსვამს.

„იმედი ვიქონიოთ, რომ ასეც მოხდება და მხარეების ძალისხმევა დადებით შედეგეს გამოიღებს“, - აღნიშნა, თავის მხრივ, ანქვაბმა.

ჩირიკბას თქმით, ძალიან მნიშვნელოვანი მომენტია ჟენევის დისკუსიების დღის წესრიგში აფხაზეთის დეიზოლაციის საკითხის ჩართვა. ამ თემაზე, მინისტრის თქმით, აშშ-ის დელეგაციის მეთაურმა მნიშვნელოვანი პოლიტიკური განცხადება გააკეთა. მისი თქმით, ევროპელი კოლეგებისგან განსხვავებით, აშშ ხელს არ შეუშლის აშშ-ში სტუმრობის მოსურნე აფხაზეთისა და სამხრეთ ოსეთის მოქალაქეებისათვის ვიზების გაცემას.